Agerre Berri Landetxea

Agerre Berri landetxeak landa-baserri zahar baten goiko solairuan dagoen apartamentu baten alokairua eskaintzen du; Agerre Berri baserria, XVI. mendeko landa-etxea, oso-osorik harriz eta egur nobleez egina. Historian zehar fraile eta monjak bizi izan diren lekua da, eta bertako historia arnasten da. Apartamentu honek baserriko estiloa barnealde moderno eta nordikoarekin konbinatzen du. Harlanduzko harrizko hormak, egurrezko egitura, bailarara eta mendietara ematen duten bista zabalak eta eskandinaviar estiloko altzari ekologikoen dekorazioa dira osagai perfektuak, erabat gustura eta erlaxatuta senti zaitezen.

Apartamentua honako hauek ditu:

• Sukalde irekia, guztiz hornitua
• Egongela tximiniarekin, telebistarekin eta sofa ohearekin
• Logela bikoitza, 180 cm-ko ezkontza-ohearekin
• Logela bikoitza, 150 cm-ko ezkontza-ohearekin
• Banakako gela, 110 cm-ko banakako ohearekin
• Bainugela
• Terraza
• Sarrerako arrapala
• Aparkalekua

Apartamentu osoa erabat egokituta dago mugikortasun urriko pertsonentzat, eta segurtasun-arau guztiak betetzen ditu. Era berean, erabat hornituta dago, eta oheko arropa, eskuoihalak, garbitzeko tresnak eta abar ditu, ezertaz arduratu beharrik izan ez dezazun.

Argazki galeria

Hotz egunetan, egur-tximinia batekin gozatu ahal izango duzu.Energia-eraginkortasuneko sistema berritzaile baten bidez, tximiniak apartamentuko erradiadore guztiak berotzen ditu. Zer hobe tximiniaren ondoan esertzea, egun bat mendian eman ondoren, suak ematen duen goxotasunaz disfrutatzea baino?

Egun eguzkitsuetan, kanpoko terraza gozatu ahal izango duzu, Aiztondo bailara aurrean duzula, goizean kafe bat hartu egunsentiari begira, solasean jardun, liburu bat irakurri, txoriak eta naturaren soinuak entzuten dituzun bitartean. Terrazak aukera ugari eskaintzen dizkizu.